Guán-tau kah tshù-pinn tsiu-uî--ê lâng lóng kóng tâi-uân-uē, guá mà án-ne o̍h ē-hiáu kóng kah thiann tâi-uân-uē. bô-lâng teh siá tâi-uân-uē,àn-ne guá mā kuí-lō tsa̍-nî m̄-bat siá-kui tâi-uân-uē,bē-hiáu siá tâi-uân-jī. Guán--ê ha̍k-sing sî-tāi sī kok-bîn-tóng tsip-tsìng sî-kî, sı̍t-si tiong-kok kàu-io̍k. Tī ha̍k-hāu kìm-tsí ha̍k-sing kóng tâi-uân-uē, tham tâi-uân-uē mā bē-sái kóng, tiō bián-siūnn-beh khuànn siánn-mı̍h tâi-uân-jī siá--ê tsheh--lah.
　Ha̍k-hāu kàu-io̍k hōo-guā ē-hiáu kóng kah thiann tiong-kok uē,mà ē-hiáu tha̍k kah siá tiong-bûn. mā bat tsı̍t-kuá tiong-kok--ê jîn-tsîng sè-sū kah tiong-kok-lâng siūnn tāi-tsì--ê hong-sik. tsı̍t lê sî-tsūn guá bat tī tiong-kok oo-pe̍h tsáu. bat khì tiong-kok tang-sai lâm-pak bē-tsió sóo-tsāi. Tī pak-kiann tsiap-siū phóo-thong--ê khó-giām. Tī hā-mn̂g guá ē-tit ū-thang huat-hui tâi-uân-uē--ê tsâi-lîng, tān-sī bô-iân tsiap-tshiok tâi-uân-jī kah tâi-uân-tsheh.
　Guá ài ha̍k-sı̍p gí-gân.tuì o̍h guā-kok-gí ū tsit-khuán tı̍k-su--ê kám-tsiânn. Tī siáu-ha̍k sî-tāi guá ū tha̍k kuí-nî Jı̍t-pún ha̍k-hāu. Tshoo-tiong sî-tsūn khai-sí o̍h ing-gí. Tāi-ha̍k sî-tsūn o̍h---ê tē-it guā-gí sī ing-gí, tē-jī guā-gí sī tik-gí. Ka-tī mà o̍h hân-kok-gí kah pa̍t-khuán gí-gân. Guá ē-hiáu khuànn kah siá kui-lōo-khuán guā-kok-uē kah guā-kok bûn-jī. phian-phian m̄ bat siá-tio tâi-uân-uē. Guá bē-hiáu khuànn kah siá tâi-uân-uē, mà m̄ bat luā-tsē tâi-uân-jī.
　Kiám-thó kuè-khì kuí-lō tsa̍p nî o̍h guā-kok-uē--ê king-giām. bô-kuán tī ha̍k-hāu á sī ka-tī o̍h to-tsit khuán gí-gân lông ài iōng-tiò bûn-jī. ká-ná o̍h tâi-uân-uē m̄ bat iōn tâi-uân- jī--ê kàu-pún á sī kàu-tsâi. Guá bat khì kàu-huē tsò lé-pài tsai-iánn ū lô-má-jī sìng-king. guá bô-hiau tha̍k lô-má-jī sìng-king, guá khuànn m̄ bat lô-má-jī sìng-king. Mà m̄ bat tu--tio̍h kuan-sim guá tsit-khuán tsōng-thài-ê lâng.
　Hiān-sı̍t sing-ua̍h kah sè-kan hong-sio̍k hōo guā ē-tàng án-ne an-ún kuè-jı̍t-tsí. Tâi-uân-lâng ta̍k-kang kóng tâi-uân-uē, tān-sī bô-sī tâi-uân bûn-jī. bô kuan-sim tâi-uân bûn-jī--ê tsûn-tsāi. Bôg-lâng kuán lí bat-jī á m̄ bat tâi-uân-jī, tiō bián-kóng bat m̄ bat m̄ sī hàn-jī--ê lô-má-jī--lah. Bo̍k-kuài tiō àn-ne guá á sī guán bē-hiáu tha̍k kah siá tâi-uân-uē, m̄ bat tâi-uân-jī. tsı̍t-kù-kú tâi-uân kua-sû siá kah ū-kàu hó: tse-sī huân-kíng lāi tsō-sîng.
　Tâi-uân tsìng-hú ê kàu-io̍k-pōo tsuè-kīn kong-pòo bân-lâm-gí lô-má-jī ping-im hong-àn, thui-hîng bûn-jī kái-kik. Kin-á-jı̍t tâi-uân-uē ū tsı̍t-thò sin kui-huān tang tsun-sûn sú-iōng. Siūnn-beh o̍h tâi-uân-uē tsiok lī-piān. Tī bāng-lōo sióng ū tsin-tsē siāu-kài kah suan-thuân kóo-lē sú-iōng tâi-uân-uē--ê iánn-phìnn , lāu-jia̍t kún-kún. Guá mà siūnn-beh tàu-lāu-jia̍t.